圖：20名汕頭大學(xué)學(xué)生分劃兩艇，劃足八日尋日抵港，誠哥親自迎接佢哋/大公報記者何嘉駿攝

　　如果劃艇要劃640公里，到底要劃幾多日呢？20名汕頭大學(xué)學(xué)生，10個男仔負(fù)責(zé)劃「漢娜」，10名女生就負(fù)責(zé)劃「茉莉花」，佢哋由2月11號喺廣東汕頭市出發(fā)，劃足八日，終於喺尋日抵達(dá)香港，汕大校董會名譽(yù)主席李嘉誠仲親自喺黃埔海濱迎接佢哋呢！

　　「一路用衛(wèi)星追蹤佢哋」

　　誠哥致辭話，其實一路有用衛(wèi)星追蹤佢哋，見到隊員喺手機(jī)分享故事，覺得好感動。

　　另外，誠哥又知道其中一位隊員王毓慧喺其他隊員唔舒服嗰陣，一個人劃足八個鐘。毓慧就好謙虛咁話，呢八小時唔係一個人嘅堅持，而係整個團(tuán)隊嘅堅持，正正因為呢種堅定信念，可以令團(tuán)隊由汕頭抵達(dá)香港。呢種堅定信念，支撐佢哋走向更闊嘅海洋。

　　另一名隊員徐宇軒話，今次海洋劃艇計劃係要經(jīng)過500幾日訓(xùn)練，付出好多，劃嗰陣日頭要曬，但夜晚睇住滿天星星，就覺得好浪漫。至於難忘事，黎曉冰話，通宵劃艇係非常困難，旁邊係一片黑暗，覺得好攰，但第二朝見到日出，就覺得一切都值得，因見到希望。

　　為海龜紅樹林而劃

　　今次計劃其實幾突破，因為係海洋劃艇首次喺亞洲進(jìn)行，而兩艘R45海洋艇係特製賽艇，首次引進(jìn)亞洲。同時完成世界其他大學(xué)從來未有嘅海洋劃艇創(chuàng)舉。重要嘅係，今次其實係為咗保護(hù)海龜同紅樹林而劃，所以李嘉誠基金會捐出合共20萬元，支持保護(hù)工作。

　　鄭晴