「跟車太貼，隨時車毀人亡」，揸車如是，講說話亦如是，但「熱血公民」立法會議員鄭松泰似乎就唔明呢個道理喇。佢早前老屈有懲教人員涉嫌虐囚，已經(jīng)令到懲教事務(wù)職員協(xié)會好不滿，仲寫信畀鄭松泰要求道歉。民建聯(lián)葛珮帆（EQ）亦計劃就事件對鄭松泰提出譴責(zé)動議。不過，鄭松泰唔單止唔認(rèn)錯，仲喺Facebook反指建制派「借題發(fā)揮」、「上綱上線」。

　　EQ話，其實鄭松泰已經(jīng)唔係第一次做錯事之後「死雞撐飯蓋」?喇，話佢當(dāng)初倒插國旗之後，寧願認(rèn)自己係「小學(xué)雞」都唔肯認(rèn)錯，仲一直狡辯。佢話，鄭松泰今次「抽水抽著火水」，打擊懲教人員士氣之餘，亦令市民對懲教人員有誤解，佢會循唔同渠道跟進(jìn)事件。

　　工聯(lián)會何啟明亦都希望鄭松泰能夠認(rèn)錯，「死拗冇意思」。佢又話，懲教係「有辱無榮」嘅職業(yè)，人員流失率已經(jīng)高，今次仲出現(xiàn)鄭松泰一事，難免會令懲教人員士氣更加低落。